Zindagi Khaak Na Thi Poetry In Urdu

 


زندگی خاک نہ تھی خاک اُڑاتے گزری

تجھ سے کیا کہتے تیرے پاس جو آتے گزری


دن جو گزرا تو کسی یاد کی رَو میں گزرا

شام آئی تو کوئی خواب دکھاتے گزری


اچھے وقتوں کی تمنا میں رہی عمرِ رواں

وقت ایسا تھا کہ بس ناز اُٹھاتے گزری


زندگی جس کے مُقدر میں ہو خوشیوں تیری

اُس کو آتا ھے نبھانا، سو نبھاتے گزری


زندگی نام اُدھر ھے، کسی سرشاری کا

اور اِدھر دُور سے اِک آس لگاتے گزری


رات کیا آئی کہ تنہائی کی سرگوشی میں

ہُو کا عالم تھا ، مگر سُنتے سناتے گزری


بار ہا چونک سی جاتی ھے مسافت دل کی

کس کی آواز تھی ، یہ کس کو بلاتے گزری


نصیر ترابی